Vit.

 

Gúmoren.

Ég er mikill gæfumaður. Það er svo mikið af gáfufólki í kringum mig. Ég er fyrir það fyrsta í mótorhjólaklúbbi og það eru nú fleiri en þrír vitringar þar, þó enginn sem keppir hjá Loga.Mæti ég þar sem oftast til að auka visku mína. Þar hefur maður bætt við sig þekkingu á mörgu sem við kemur mótorhjólum,mannlegu eðli og samskiptum manna á millum.Hef ég áður sagt frá dóttur minni, sem nemur í háskóla,alþjóðamarkaðsfræði, heitir það þar og stendur hún sig vel. Var ég að heyra líka af systurdóttur minni, sem líka er ofsalega gáfuð. Hún var að útskrifast með fyrstu einkunn úr háskóla, til hamingju með það Íris, hún lærði þar mannauðsstjórnun. Ég er nú ekki með það alveg á hreinu hvað alþjóðamannauðsmarkaðsstjórnunarfræði er, því það var bara bóknáms og verknáms þegar ég var í skóla. En þetta er eflaust eitthvað sem kemur stúlkunum vel í framtíðinni þó að ég skilji þetta ekki. Systur mínar eru heldur ekki ógáfaðar, báðar með hvítar húfur til taks ef að með þarf. Ég átti einu sinni húfu líka en hún var reyndar ekki tengd lærdómi. Er samt enginn rati því ég er bæði með bíl- og mótorhjólapróf. Ég tel mig reyndar eiga dálítið í frama systra minna á námsbrautinni með því að hjálpa aðeins til með tungumálin, en það er nú önnur saga. "Bjæf". Það er mikil gæfa að þekkja svona mikið af mannvitsbrekkum og hefur það hjálpað mér mikið í lífinu. Takk fyrir það.

Bókvitið verður ekki í ......... æi, ég man ekki hvernig þetta var, spyr að því uppi í klúbb.

Athugasemdir

[Björn Benediktsson (IP-tala skráð) 16.2.2007 kl. 23:18]

Hvers konar ''Húfa'' var það sem karlinn gekk með, varstu kannski í Löggunni eða Hjálpræðishernum?

[Rannveig Höskuldsdóttir (IP-tala skráð) 16.2.2007 kl. 23:53]

Svona er þetta (mjög) oft að vitið er í kvennlegginn í fjölskyldum,en til hamingju með dóttir þína hún er aldeilis að gera það gott í HR. Og svo er mikið að gáfu mönnum í klúbbnum!!! ja hérna það þykir hver sinn fugl fagur eða gáfaður æ man ekki hvernig þetta er verð að spyrja í mínum kvk klúbb.