Leiðinlegt á Skjánum.

Var að horfa á þáttinn Svalbarða sem var verið að sýna á Skjá einum. Ég þarf ekki að horfa á annan slíkan. Ég er ekki vanur að horfa á íslenska "skemmtiþætti" því að sjaldnast eru þeir skemmtilegir.Ég vildi gjarnan fá að vita hver sagði þessum drengstaula að hann væri fyndinn? Skyldi það vera sá sami sem sagði Jóni Gnarr það? Ef að svo er þá ættu þessir drengir að biðja um annað álit.Þessi Svalbarðaþáttur átti víst að vera einhver nýlunda en fátt sást þarna sem að ekki hafði áður sést og slæm var söngkonan. Drengurinn sem að stjórnaði þessu, er kannski ekki drengur lengur því hann er kominn með svona ljómandi fínan skalla,var með aulaglottið sitt allan tímann,ég sem hélt alltaf að hann notaði það bara í "karakter", en hann er víst skapaður svona. Þessi skoðun mín hefur ekkert með gamaldagshúmor eða nútímahúmor að gera. Þetta var bara leiðinlegt.

 

 

 

 

 

 

 

Athugasemdir

[Helga Guðrún Eiríksdóttir, 5.4.2008 kl. 19:28]

Þá sleppir maður að leita þetta uppi á netinu. Sýnist á þér að það væri tímaeyðsla. Það er fátt óskemmtilegra en leiðinlegir skemmtiþættir.

[Yngvi Högnason, 5.4.2008 kl. 22:14]

Þetta var víst misskilningur hjá mér, stjórnandi þáttarins sagði við vísi.is að þetta hefði gengið vel hjá þeim og þau væru hamingjusöm. Djö... er maður vitlaus og húmorslaus að sjá ekki hvað þetta var skemmtilegt. Nú verð ég að refsa sjálfum mér með því að horfa á eitthvað annað íslenskt. Mér var nær.

[Helga Guðrún Eiríksdóttir, 6.4.2008 kl. 00:13]

Mér finnst það nú fullþung refsing, en vissulega er brotið stórt.

Er til þyngri refsing, önnur er aftaka?

[Vilhjálmur Þorláksson (IP-tala skráð) 8.4.2008 kl. 10:47]

Sæll Yngvi ég hef tekið eftir að þú ert latur að blogga núna enda sjálfsagt gaman að spila á píanóið  kveðja . Villi

[Eiki KR (IP-tala skráð) 8.4.2008 kl. 16:42]

Fólk sem spilar á píanó er húmorslaust og hefur alltaf verið....og bara þetta klassíska tónlistarfólk, maður sér ekki mikið af því brosa, þannig að þú hefur glatað húmornum þegar þú kunnir allt í einu á píanó.

Það var fínt að horfa á þennan þátt með öðru auganu og gestagang og hlæja svo þegar maður heyrði hlátur í sjónvarpinu, þannig að ég hélt að hann hafi verið fyndinn þessi skemmtiþáttur....kanski rangur misskilningur hjá mér!!

Kveðja, Eiki KR

[Helga Guðrún Eiríksdóttir, 8.4.2008 kl. 17:28]

Smá skilmysingur hjá KRingnum. Yngvi myndi glata glórunni langt á undan húmornum. Og ég sé engin merki um að þetta tvennt sé að yfirgefa hann.

Sem betur fer. Nóg er af húmorsleysinu. Það er yfir og allt um kring.

Glóruleysið raunar líka.