Milljón.

Ég hef ekki kynnt mér þessi mál til hlítar en gaman að sjá hvað margir gera það. En einhvern veginn grunar mig að margir séu geysast hér fram án þess að vita neitt í sinn haus um hvað málið snýst. En það sýnir hvað það eru margir bónusheilar á Íslandi,skjóta fyrst og spyrja svo. Þessi athugasemd hefur ekkert með það hvort eigi að greiða bætur eða ekki.En yfirlýsing samtakanna vekur upp spurningu hvort milljón græði sár sem hálf gerir ekki.

Harma framgöngu forsætisráðuneytisins

Athugasemdir

[tolli púki (IP-tala skráð) 5.9.2008 kl. 22:48]

thad er svo med men eins og thig sem alldrei hafa lent i neinu motlaeti i lifinu erud fljotir ad daema adrea

[Marta Gunnarsdóttir, 6.9.2008 kl. 01:25]

Hélt að þú vissir að aurar græða ekki sár. Hvernig flokkaru þinn heila? Tengist það ekki Bónus ef hugsunin aðhyllist lágar upphæðir?

[Yngvi Högnason, 6.9.2008 kl. 09:07]

Marta,bónusheili hefur ekkert að gera með upphæðir.Bónusheili hleypur til í móðursýki af því að hann heldur að það sé best að gera eins og allir aðrir, hugsar ekki út fyrir rammann og segir ekkert sem að fylgir ekki almannajarminu.Þú getur séð þessa bónusheila með aðgerðir út um allt ,í hinu daglega lífi,á blogginu(þeir sem að segja í athugasemd t.d. :snilldarfærsla eða alveg sammála og því um líkt),mótmæli vörubílstjóra,hundamálið,negramálið,á móti fólki frá Asíu málin og fl.Ég veit ekkert hvort að ég er með Bónusheila eða ekki,það er annarra að segja um það. Færslan hjá mér var ekki um upphæðir,heldur um fólk sem að veður sí og æ fram,þvaðrandi um mál sem að það hefur ekki hundsvit á.
En Marta,tókstu eftir því að nafnlaus tombóluheili kom með athugasemd á undan þér? Og hvað ertu að þvælast svona seint á fótum?

[Helga Dögg, 6.9.2008 kl. 18:03]

Snilldarfærsla, ég er alveg sammála...

[Helga Guðrún Eiríksdóttir, 6.9.2008 kl. 18:34]

Mér er alla jafna óljúft að vera sammála, en ég er sammála henni nöfnu minni...  

[Marta Gunnarsdóttir, 7.9.2008 kl. 13:26]

Ég hafði ekki heyrt þessar skilgreiningar á heilum áður. Get ekki á heilli mér tekið lengur. Fíla mig sem heilalausa og heillum horfna því ég tengi allt gult við Bónus, lúsarlaun og ódýrt dót líka.

Svo þvælist ég eins lengi á fótum og ég get þar sem ekkert spennandi bíður í rúminu mínu..... (þú spurðir og ég svaraði) nema meðvitundarleysi.

[Yngvi Högnason, 7.9.2008 kl. 15:41]

Hvur rækallinn, spennulaust rúm. Ég fékk mér rúm með fjarstýringu þar sem að ég get hækkað og lækkað að vild,höfðalag og fótgafl. Síðan þá, hlakka ég æ til rúmferða,því að með fjarstýringu við hvora hönd er ég klár í flest.Nema á meðan ég er með ísinn.

[Rannveig H, 7.9.2008 kl. 18:39]

Loks kom útskýring á Bónusheila,var einhvertíma búin að spyrja bakaradrenginn,en fékk engin svör. En nú er það komið ,þarf að skoða þetta betur.

[Marta Gunnarsdóttir, 7.9.2008 kl. 20:53]

Þú ert þá trúlega nýbúinn að fá þér rúmið, mitt er svona líka og spennan yfir fjarstýringunum er löngu liðin hjá.

[Yngvi Högnason, 7.9.2008 kl. 21:21]

Ekki er það alveg nýtt en ég er karlmaður.

[Marta Gunnarsdóttir, 9.9.2008 kl. 07:09]

Ok, takkasjúkur.... það dugar ykkur sumum. Ég læt takkana á þvottavélinni duga mér og þeir eru mjög óspennandi.

[Yngvi Högnason, 9.9.2008 kl. 08:42]

Ég er rosalega kræsinn á takka. Ég snerti til dæmis aldrei ryksugutakka eða upp-og þvottavélatakka. Ég er með fólk í því og þarf yfirleitt að skreppa þegar þarf að kveikja á slíkum græjum.