Á óræðum aldri.

Ég er ekki alveg að ná þessu með konur og aldur. Talaði við eina í gær sem sneri upp á sig þegar ég sagði við hana eins og ég segi við dóttur mína: allt í lagi gamla. Fólk er bara mis gamalt og það þarf ekki að fyrtast við þegar á er minnst, að maður hafi verið svo óheppinn að hafa fæðst á undan einhverjum öðrum. Það er nefnilega ekki svo slæmt að vera gamall,því ef ekki væri maður gamall þá væri maður dauður.
   En aftur að konum. Bráðum á dóttir mín afmæli. Og systur mínar einnig og sambýliskona.Hvað þær verða gamlar er ég ekki klár á. Sambýliskonan átti stórafmæli fyrir nokkrum árum og byrjaði þá að telja upp á nýtt.Dóttir mín verður annað hvort tuttugu og fimm ára eða þrítug.Ég man nefnilega ekki hvort ég var tuttugu og fimm ára eða þrítugur þegar hún fæddist. Og þegar að systrunum kemur þá vandast málið. Yngri systir mín fagnar bráðum stórafmæli, sem að ég veit ekki hvernig er hægt,því að sú eldri er umtalsvert yngri en ég, að sögn.Hvernig á þá sú sem að er yngri en ég að vera allt í einu orðin eldri en sú eldri og þar af leiðandi eldri en ég,sem að er eldri? Ég skil þetta ekki, enda er þetta tómt rugl.
   Ég kaupi kannski djúpsteikingarpott fyrir þær í afmælisgjöf. Allavega sambýliskonuna.

Athugasemdir

[Helga Guðrún Eiríksdóttir, 19.9.2008 kl. 12:02]

Rosalegt SÖRPRÆS!!! verður það fyrir hana. 

[Helga Dögg, 19.9.2008 kl. 12:25]

En á ekkert að ræða þitt afmæli sem er nú bara í næstu viku? P.s. ég hef greinilega ekki erft stærðfræðigáfur mínar frá þér...

[Yngvi Högnason, 19.9.2008 kl. 12:39]

Ég er nú góður í Scrabble.

[Helga Guðrún Eiríksdóttir, 19.9.2008 kl. 12:41]

  Góð, nafna!

[Rut Sumarliðadóttir, 19.9.2008 kl. 13:02]

Konur eru alltaf á besta aldri. Held ég yrði ekki sæl með djúpsteikingarpott. Djúpnudd væri betra.

[Helga Guðrún Eiríksdóttir, 19.9.2008 kl. 13:58]

Rutla ofurskutla kann á þessu lagið!

[Rut Sumarliðadóttir, 19.9.2008 kl. 14:17]

[Yngvi Högnason, 19.9.2008 kl. 15:42]

Var nú aðallega að spá í þennan pott heim,af því að mér þykir svo góður djúpsteiktur kjúklingur.

[tolli p (IP-tala skráð) 21.9.2008 kl. 00:16]

Saell , thad segir meira um thig en markt annad ad thad eru bara kvensur sem svara ther tolli p

[Helga Guðrún Eiríksdóttir, 21.9.2008 kl. 00:42]

Einmitt, Tolli... kallarnir okkar gúddera þennan fýr í bláabotn! Setja auðvitað upp augnabrúnahrukkudýragarðsspurningamerkin á sviðin með alla hina.. en Yngvi grásleppur vegna þess að hann er svo nákvæmlega "one of us" .

Furðulegur andskoti að hann er eiginlega "one of me" líka.. 

Þ.e. fíla húmorinn í rauðköflóttar ræmur.. ekkert flóknara.

[Yngvi Högnason, 21.9.2008 kl. 10:09]

Það er einhver óværa hérna á sveimi stundum, maður þyrfti að eiga spray á svona nafnleysingja. En sem kvennagull er maður vanur svona nöldri.