Með stæl.

Jamm, þá er afmælisdagur sambýliskonunnar liðinn. Djúpsteikingarpotturinn sló í gegn og verður örugglega vígður í kvöld. Einhver ýjaði í  athugasemdum um djúpnudd og fékk ég slíkt í gærmorgun.Takk fyrir góða hugmynd.Í hádeginu keyrði ég hana í Krónuna, þó að frídagur væri hjá mér, og var keypt inn. Eftir það fékk hún að horfa á Nágranna í friði.Kórónaði ég svo daginn með stæl og bauð henni og stráknum upp á Big Mac,sem að við borðuðum í rólegu og notalegu umhverfi, á staðnum.

Athugasemdir

[Helga Guðrún Eiríksdóttir, 22.9.2008 kl. 14:29]

Mikið dekurdýr, konan þín.

[Marta Gunnarsdóttir, 22.9.2008 kl. 19:16]

Vona að Big Mac hafi farið vel í þig, að þér hafi nú liðið vel útí bíl á meðan konan verslaði og að það hafi ekki verið of mikið álag á þér þegar hún horfði á Nágranna. Svo getur hún náð í fjölbreytt úrval af gómsætum djúpsteikingar réttum á netinu.  En auðvitað bara þegar þú þarft að sinna öðru en blogginu.

[Yngvi Högnason, 22.9.2008 kl. 20:26]

Fer yfirleitt út þegar Nágrannar eða Boldið fer í gang. Og ég fer alltaf með inn í búðir til að fylgjast með,því ekki má ísinn gleymast. Og það þarf engar uppskriftir fyrir franskar og kjúkling.

[Rannveig H, 23.9.2008 kl. 14:10]

Þú gerir þetta allt með stæl nú sem endranær, áttu ekki afmæli sjálfur einhverja næstu daga?

[Helga Guðrún Eiríksdóttir, 23.9.2008 kl. 16:05]

Jú - og fær örugglega hamar frá konunni. Held að hana langi í nýtt hús.