Skærur?

Það er greinilegt að ekki fara saman gáfur úr milljón og gáfur í daglegu lífi. Var það ekki svona sem gert var í vestrinu ,múgurinn æsti sig upp og hengdi bakara fyrir smið? Nema að hér er allt eins og hjá aumingjum,máttlaust. Internationalinn? Maður fær kjánahroll.

Mótmæli á Arnarhóli vekja athygli

Athugasemdir

[Vilhjálmur Andri Kjartansson (IP-tala skráð) 10.10.2008 kl. 22:58]

Það er með ólíkindum að það skuli vera til fólk sem hagar sér svona á þessum tímum. Hvaða flokki sem menn eru í þá eru stjórnmálamenn og ráðamenn þjóðarinnar að róa hér lífróður fyrir hagkerfið og þá mætir þessi skríll og syngur nallann. Maður fær nú bara kjánahroll yfir þessu því lík og önnur eins heimska. Síðan var nú rugludallurinn Snorri eitthvað mættur eins og kjáni að trufla Geir þegar hann var með blaðamannafund og reyna að róa þjóðina, með uppsagnarbréf Davíðs. Rosalega heldur maðurinn að hann sé sniðugur núna en hann má vita það að flestir sem sáu þetta telja hann kjána og fí...

[sigrún (IP-tala skráð) 10.10.2008 kl. 23:45]

mikið ofboðslega ertu barnalegur vilhjálmur. skilurðu ekki einföldustu pólitík? þessir menn verða að víkja ef við ætlum nokkurntíman að endurbyggja landið okkar.

horfðu í augun á fólki sem hefur misst aleiguna vegna eigingirni og samviskuleysis örfárra manna og segðu þeim að þú styðjir ennþá þann flokk sem stal öllu sem þau hafa unnið fyrir allt sitt líf.

við byggjum ekkert á rústunum nema við hreinsum skítinn fyrst.

hættu svo á bleyju og lærðu að hugsa fyrir sjálfan þig.

baráttukveðjur

sigrún 

[Vilhjálmur Andri Kjartansson (IP-tala skráð) 11.10.2008 kl. 02:29]

Farðu nú að nota á þér heilabúið sigrún og hættu að slefa upp ruglið í nokkrum æsingarmönnum. Það eru lög í þessu landi sem gera einstaklingum kleift að reka fyrirtæki og eiga eignir þessi lög ná yfir okkur öll, viltu kannski skerða eignarétt einstaklinga? 

Mistökin eru ykkur sósíalistunum að kenna alltaf þetta bölvaða ríkisvæl í ykkur og nú kemur það okkur öllum á rassgatið. Ríkið tryggja þetta ríkið tryggja hitt. Nú þurfa einstaklingar sem aldrei komu nálagt viðskiptum Landsbankans við breska þegna eða höfðu að því nokkurn ávinning að greiða fyrir sósíalistaábyrgðina sem ríkið(skattborgarar) ber gagnvart innistæðum. Ef þú setur pening inn á bankareikning geriru það á eigin ábyrgð hvort sem það er á Íslandi eða annar staðar.

Fjármálakreppan í heiminum byrjaði með ríkisafskiptum af húsnæðisbréfum og lánum í USA þar settu menn ríkisábyrgð á lán til að tryggja að efnaminni og minnihlutahópar hefðu aðgang að lánum sem þeir annars hefðu ekki fengið vega greiðsluskorts. Sprengdu þar af leiðandi upp húsnæðismarkaðinn sem auðvitað féll á endanum, takk æðislega.

Þú þarft ekkert að láta eins og ég skilji ekki pólitík ég held að miskilningurinn sé þinn. Ég veit alveg hvernig það er að missa sparnaðinn sinn og ég veit mæta vel að það er ekki seðlabankanum að kenna frekar en íslenskum stjórnvöldum. Auðvitað eru þau ekki hafin yfir alla gagnrýni en enginn og ég segi enginn gat séð fyrir þessa heimskreppu. Hættið að láta eins og þetta sé sér íslenskt vandamál, það eru bankar að fara á hausinn um allan heim, allt fjármagn er frosið í pípunum. Ég styð ekki þessi mótmæli sem í mínum huga eru ekkert annað en landráð á þessum tímum þegar við þurfum að leifa ráðamönnum að vinna í friði og stýra okkur út úr þessu ástandi.

[Vésteinn Valgarðsson, 11.10.2008 kl. 03:37]

Það var svosem auðvitað, að sósíalistasamsæri væri raunverulega ástæðan fyrir kreppunni. Vilhjálmur, það er ekki rétt hjá þér að enginn hafi séð þessa kreppu fyrir, þótt það hafi kannski enginn gert það af þeim sem þú umgengst. Það er auðvitað hárrétt að vandamálið er ekkert séríslenskt, þótt það virðist vera verra á Íslandi en víðast hvar annars staðar. Það á sér einfalda skýringu: Grundvallarorsökin er alþjóðleg og heitir kapítalismi.

En landráð? Það væri kannski best að senda bara stappandi stígvél og stálhjálma til að berja ólundina úr þessu fólki sem getur bara sjálfum sér um kennt?

[Vilhjálmur Andri Kjartansson (IP-tala skráð) 11.10.2008 kl. 04:54]

Auðvitað viltu ekki líta á mistök ykkar sósíallistanna í þessu, eins og venjan er þá lokið þið augunum fyrir raunveruleikanum. Kollegar mínir í Bandaríska Frjálshyggjuflokknum, menn í kringum Ron Paul  og sérfræðingar á borð við Russell Roberts og fleiri hafa ítrekað varað við inngripum á húsnæðismarkað í BNA s.s. með löggjöf á borð við CRA sem neyddu markaðinn til að lána non credit worthy  einstaklingum húsnæðislán og á sama tíma hálf ríkisvæða fyrirtæki á borð við Freddie Mach og Fannie May með ríkisábyrgðum og ýta þannig undir enn frekari óábyrga lánveitingar.  Skilaboðin sem þessi ríkisafskipti sendu til markaðarins voru að eftirspurn væri að aukast gífurlega og líkt og gerist þá fylgdu þeir á eftir sem sjá um framboðið á húsnæði og gáfu í, allt byggt á fölskum forsendum sem ríkisinngrip bjuggu til. Margir sáu fyrir að þessi markaður myndi falla en enginn sá fyrir bankaheimskreppu, enginn.

Vésteinn kapítalismi er samheiti yfir frjáls viðskipti manna sem er ein birtingarmynd frjálsra samskipta manna á milli og enn í dag hefur ekki verið fundið neitt annað kerfi sem dreifir verðmætum betur en frjáls markaður. Þú segir í lokin „fólki sem getur sjálfum sér kennt?“ þar hittiru naglann á höfuðið því í mörgum tilvikum getum við sjálfum okkur kennt. Þeir sem töpuðu sparnaði sem var í hlutabréfum geta engum um það kennt en sjálfum sér, ég tapaði töluverðu þegar kaupþing var ríkisvætt og get engum um það kennt nema sjálfum mér því ég tók áhættuna á að fjárfesta í fyrirtækinu. Það er svo annað mál hvort bresk stjórnvöld séu bótaskyld vegna aðgerða sinna gegn kaupþingi.

Að hlaupa upp Arnarhólinn getur verið holt en að gera það til að mótmæla Davíð eða öðrum ráðamönnum sem nú gera allt sem í þeirra valdi stendur til að tryggja okkar hagsmuni og koma okkur út úr krísunni er óábyrgt og heimskulegt. Stjórnarkreppa mun ekki bæta ástandið á Íslandi. 

[Vésteinn Valgarðsson, 11.10.2008 kl. 05:09]

"Mistök okkar sósíalistanna" segirðu? Ertu að tala um Brown, Blair, Bush og mig? Ef þú ímyndar þér að breski Verkamannaflokkurinn sé sósíalískur, þá er ég hræddur um að þú hafir misskilið eitthvað. Að ég nú ekki tali um ef þú segir að Repúblíkanaflokkurinn sé það. Þessi heimskulegu inngrip bandarískra stjórnvalda lengdu bara í snörunni og ég er hjartanlega sammála þér um að það hafi verið afglöp. En sósíalismi? Ég held nú síður.

Fjöldi manna sá fyrir bankaheimskreppu. Skoðaðu t.d. Vald.org og sjáðu hvort Jóhannes Björn Lúðvíksson reyndist ekki sannspár um eitthvað.

Misskilningur þinn á sósíalisma rímar ágætlega við misskilning á kapítalisma. Kapítalismi er ekki það sama og frjáls markaður, þótt þetta tvennt fari gjarnan saman. Það sem greinir kapítalisma frá öðrum hagkerfum er einkaeignarhald á tækjunum sem samfélagið notar til framfærslu og verðmætasköpunar. Það er hrein vitleysa að markaðurinn dreifi verðmætum betur en nokkurt annað kerfi. Hrein vitleysa. Hann dreifir verðmætum t.d. ekki til þeirra sem geta ekki borgað fyrir þau, en hins vegar þjappar hann gríðarlega miklum verðmætum í hendur þeirra sem eiga miklu meira af þeim en þeir hafa nokkur not fyrir.

Út af fyrir sig er stjórnarkreppa ekki æskilegt ástand, en ef eitthvað er ekki líklegt til að bæta ástandið á Íslandi, þá eru það núverandi ráðamenn og Davíð meðtalinn. Ef þeir eru að gera "allt sem í þeirra valdi stendur" (sem við skulum vona), þá valda þeir greinilega starfi sínu.

[Vilhjálmur Andri Kjartansson (IP-tala skráð) 11.10.2008 kl. 14:53]

 Brown og Blair eru sósíallistar hvort sem þér líkar það betur eða verr. Stjórnvöld í BNA hafa átt stærstan hluta í þessari kreppu með óviðeigandi inngripum á húsnæðismarkað, inngrip á markaði af hálfu stjórnvalda er sósíallísk stefna.

Ég misskil ekki sósíalisma eða hætturnar sem því viðbjóðslega kerfi hefur upp á að bjóða. Kapítalismi er efnahagsskipulag sem byggir á séreignarétti, einkaframtaki og viðskiptafrelsi þ.e. hlutir sem eru forsendur fyrir frjálsum samskiptum manna og leiða að frjálsum markaði þ.e. frjáls markaður er afleiðing frjálsra samskipta manna.  Frjáls markaður dreifir verðmætum betur en nokkurt kerfi hvort sem þér líkar sú staðreynd eða ekki. Á frjálsum markaði er meiri verðmætasköpun en á lokuðum markaði og nær því til fleiri og á skilvirkari hátt. Það er rétt þeir sem skapa ekki verðmæti með vinnu þeir njóta ekki ávaxta þeirra sem skapa verðmæti eða allavega í minna mæli. Í lokuðum kerfum verður minna til af verðmætum og allir tapa.

Þessi síða sem þú bendir á er engin spádómssíða um eitt eða neitt reyndu nú að svara einhverju sem ég kem með og hættu að snúa út úr.

[Yngvi Högnason, 11.10.2008 kl. 23:28]

Nú þykir mér týra,allt komið í alvarleika og langlokur.

[Vilhjálmur Andri Kjartansson (IP-tala skráð) 12.10.2008 kl. 03:32]

Shit happens

[Vésteinn Valgarðsson, 12.10.2008 kl. 06:49]

Ríkisafskipti í þágu hinna ríku eru ekki sósíalísk aðgerð. Misskilningur þinn um sósíalisma, Vilhjálmur, liggur meðal annars í því að þú setur samasemmerki milli hans og ríkisafskipta. Það er reginmisskilningur.

Frjáls samskipti fara fram milli jafningja. Eigandi fyrirtækis er ekki jafningi þess sem sækir um vinnu hjá honum.

Og jú -- þeir sem ekki framleiða verðmæti með vinnu sinni njóta einmitt ávaxta hinna sem gera það í kapítalisma. Heldur þú að Baugsfeðgar eða Björgólfsfeðgar hafi framleitt tugmilljarða með sinni eigin vinnu? Eru þeir mörghundruð sinnum duglegri en venjulegt fólk?