Baggalútsbull.

 Samkvæmt orðabókinni þá segir að orðið baggalútur merki ásamt fleiru, litlir drengir. Og víst mun svo vera,það hljóta að vera litlir drengir sem hljóðrita lag, alls ekki óáheyrilegt, með slíkum ambögum í texta að illt er að heyra. Það er á þennan hátt sem að bullið festist í málinu.

Það er laugardagskvöld, það er gleðin við völd
það var sagt mér að það væru píur hérna,
sem vilja reyna sig við mig.
Það er laugardagskvöld, það er gleðin við völd
það var sagt mér að það væri partí hérna
sem vantar bara mig í sig.

Nánar hér:http://baggalutur.is/party/

 

Athugasemdir

[Helga Guðrún Eiríksdóttir, 31.10.2008 kl. 09:29]

Ljótt er að sjá. Best að bæta við ósómann, upp er runninn enskur öskudagur.

[Yngvi Högnason, 31.10.2008 kl. 10:17]

Nú? Þurfa bretar nokkuð að breyta um í tilefni dagsins? Þeir eru margir ljótir og hrekkjóttir að jafnaði.

[Helga Guðrún Eiríksdóttir, 31.10.2008 kl. 15:57]

Þeir eru forljótir upp til hópa og litlir eins og rassálfarnir í Ronju. Við mæðgurnar erum að hugsa um að hrekkja þá með því að mæta í hrekkjavökugleðina á þorpskránni í kvöld klæddar eins og hryðjuverkamenn og gá hvað gerist. Þó þeir næðu mér niður þá er ég viss um að Rósan myndi skjóta þeim amk skelk í bringu. Helst þó einhverju harðara...

Mér þykir þessi hrekkjavaka reyndar hálf hvimleið afsökun fyrir börn að betla og foreldrana að drekka brennivín. Við eru fullfærar um allt slíkt innan veggja heimilisins. Með eða án búninga...

Talandi um búninga, í fyrra vann jafnaldra mín hér neðar í götunni fyrstu verðlaun fyrir viðbjóðslegan nornabúning. Sérstaklega var til þess tekið hversu gríman hefði verið hrollvekjandi með öllum vörtunum og hárbrúskunum sem hringuðu sig upp úr þeim. Það kom ekki í ljós fyrr en hún var kölluð upp til að taka við verðlaununum að hún var ekki í búning.