Terry Jacks.

Það er einhver nostalgía í gangi núna. Terry Jacks var frá Kanada og gerði ekki margt vinsælt sem þetta lag. Þetta var vinsælt 1974 og mikið spilað af hljómsveitinni Hafrót í Klúbbnum.Þangað fór maður stundum og átti oftast vísan stað hjá Óskari og Stínu á neðstu hæðinni, þau biðu ekki með borð fyrir templara. Á þessum tíma er maður að mótast sem töffari eins og sjá má á tónlistarvalinu.

Athugasemdir

[Helga Guðrún Eiríksdóttir, 12.12.2008 kl. 17:52]

Þetta er eitt af þessum ógleymanlegu. Skyldi ég hafa rekist á þig í Klúbbnum? Mér leið líka best niðri. Þetta voru töfrandi tímar.

[Yngvi Högnason, 12.12.2008 kl. 18:53]

Það var oft mikið um stelpur í kringum mig, þannig að ekki er víst að þú hafir séð mig þar sem ég var í miðju stóðinu, að mig minnir. Síðar fór maður á Sesar í Ármúlanum, rosalega töff í heimasaumuðum denim jakkafötum án innaná vasa.Með filterlausan Pall Mall í brjóstvasanum, pantandi þrefaldan brennivín í kók á barnum.
   Það hrímaði af manni,maður var svo kool.

[Helga Guðrún Eiríksdóttir, 13.12.2008 kl. 03:29]

Maður verður kulsælli með árunum.