Heimska?

Hér hefur verið ládautt í tvær vikur. Ekki heldur verið merkilegt sem hér hefur verið skrifað. Ekki eins og hjá stórbloggurunum sem að blása sig daginn út og inn með hómópatalausnir á vandamálum lands og lýðs. Einhvern tíma verð ég kannski opinn og upplýstur eins og þessir námuhestar sem að allt virðast vita og þá get skrifað mig hásan og sett mig á stall. Reyndar er það ekki eftirsóknarvert.
 
Þegar ég var krakki var mér sagt að ekki mætti ég stinga járni í innstungu því að þá fengi ég straum.Ekki vissi ég hvað straumur var en fékk smá stuð seinna og skildi þá af hverju ég var varaður við. Í gær bloggaði einn um hryllilegt myndband og varaði fólk við því að skoða það.Sagði undan og ofan um hvað það fjallaði. Myndbandið skoðaði ég að hluta og leist ekki á. Ekki hafðist ég neitt að fremur en í annan tíma þegar þessi drengur bloggar. En ekki er svo með alla.Margir þurftu að stinga járninu í innstunguna og fá straum.Veina eins og kellingar og láta eins og það sé bloggaranum að kenna. Núna hafa sjálfskipaðir siðapostular viljað ritskoða drenginn og láta illum látum í athugasemdadálki hans og vilja þetta myndband burt. Heimskan ríður sjaldnast við einteyming.

Athugasemdir

[A. (IP-tala skráð) 31.12.2008 kl. 09:46]

Ég man mjög vel eftir því að þú reyndir að bjóða mér að stinga prjóni í innstungu á sínum tíma, en eftir því sem ég man best afþakkaði ég það, það var eitthvað smá vit í litla hausnum....svona muna bara systur!