Ekki frétt.

Hver er fréttin? Það er fullt af fyrirtækjum sem leggur upp laupana í hverri viku og þá mörg merkilegri en þetta. Bull í neytendapakkningum. Finnst einhverjum skrýtið að svoleiðis búlla gangi ekki. En mér finnst merkilegt að þessi kona segir (á vísi.is) að hún vilji jafnvel flytja úr landi m.a. vegna þess að ekki vill hún taka þátt í hagkerfi sem vill borga skuldir útrásarvíkinga.Hefur þessi kona verið einhver stórskattgreiðandi hingað til?Ef svo er þá væri gaman að fá að vita það.Ég hef ekki orðið var við mikla skatta hækkun hjá mér enn ,en hef reyndar aldrei verið einn af máttarstólpum velferðarkerfis okkar eins og Eva, Hallgrímur Helgason og aðrir dollubankarar. Ef blessuð konan vill fara,þá:vertu sæl mey,farið hefur fé betra.

Nornabúðin lokar dyrum

Athugasemdir

[Eva Hauksdóttir (IP-tala skráð) 5.3.2009 kl. 11:28]

Ég er hjartanlega sammála því að það er fáránlegt hvað það vekur mikla athygli að þetta eina smáfyrirtæki ákveði að hætta rekstri.

Það hvort fólk er stórskattgreiðendur eða ekki skiptir engu höfuðmáli þegar réttlætiskennd manns er ofboðið. Það er ekki hægt að lifa utan hagkerfisins. Þú getur ekki keypt svo mikið sem mjólkurpott án þess að greiða af honum skatt og mér þykir of vænt um Ísland til að vilja taka þátt í því að styðja ríkisvald sem ætlast til þess að ég, þú og gamla konan á efri hæðinni sitjum uppi með tapið af ofursukki örfárra manna. Því síður vil ég styðja ríkisvald sem er tilbúið til að selja Alþjóðagjaldeyrissjóðnum auðlindir landsins.

Ég held reyndar að máttarstólpar velferðarkerfisins vilji það ekki heldur. Það eru fleiri en ég að hugleiða að fara héðan og þó nokkuð margir farnir eða búnir að gera ráðstafanir. En það er gott að vita að til eru menn sem eru tilbúnir til að greiða fyrir skaðann af efnahagsstjórn Sjálfstæðisflokksins. Heimurinn þarf þræla svo verði þeim heill af því vali sínu.

[Gummi (IP-tala skráð) 5.3.2009 kl. 13:06]

Miðað við hvað henni Evu er umhugað um siðgæði í viðskiptum þykir mér það ótrúlegt að hún skuli virkilega vera að selja auðtrúa fólki "galdra"-drasl sem virkar ekki.

[Helga Guðrún Eiríksdóttir, 5.3.2009 kl. 13:21]

Hún ætti bara að drífa sig. Fargjaldið ætti ekki að vefjast fyrir henni. Sest bara á kústinn.  

[Yngvi Högnason, 5.3.2009 kl. 21:52]

Takk fyrir tilskrifin Eva. Auðvitað skiptir það máli hvort fólk borgar lítinn eða stóran skatt. En það sem skilur oft á milli er að þeir sem banka hæst í dollurnar eru oftar en ekki þeir sem nenna ekki að leggja á sig og fljúga bara af landi brott. Hinir sterkari sem voru kannski ekki sammála sukkinu en nenntu ekki að berja dósir, setja undir sig hausinn og taka slaginn.Því sama hve oft var barið á lok og sama hve mikið var fundað og vælt og sama hvað mikið var grenjað um óréttlæti,þá breyttist ekkert. Og mun ekki breytast,þannig að þér alveg óhætt að fara að drífa þig. Við hin ætlum að þrauka, þó ekki séum við ánægð með úrslitin og heyrst hefur meira að segja af fólki sem ætlar að flytja heim og fara út í rekstur.
Hún var góð athugasemdin um að Sjálfstæðisflokkurinn láti heiminn þræla,víða eru völd hans.

[Eva Hauksdóttir (IP-tala skráð) 5.3.2009 kl. 22:18]

Ég sagði nú reyndar ekki að Sjálfstæðisflokkurinn léti heiminn þræla (allir sem viðhalda Vestrænu hagkerfi eiga þátt í því þrælahaldi og nýlendustefnu sem enn er við lýði) heldur að heimurinn þyrfti þræla. Nú þú ætlar greinilega að taka það að verkefni að þér að vera þræll auðvaldsins og fyrst þú ert sáttur við það val, þá bara óska ég þér til hamingju með það.