Á maðurinn ekki spariföt?

Það var verið að safna peningum í Sjónvarpinu fyrir helgi. Gekk það vel að mér skilst og komu þar margir fram til styrktar málefninu.Ekki les ég allt blogg hér á Mogganum en rakst á þetta hjá Þráhyggju Hönnu. Þar er tónlistarmaður tekinn fyrir og mærður fyrir lag og texta, öðrum fremur sem komu þarna fram. Lagið, texti og flutningur var þarna snoturt eins og Magnúsar er von og vísa. En það sem vakti athygli mína voru athugasemdir við færsluna. Þar umlaði hver grátkellingin af annarri með grátbólgna vanga yfir þessari “snilli”. Lagið var þokkalegt og textinn dæmigerður fyrir þá sem eru alltaf að bjarga heiminum. Sem sagt ekkert sérstakt. Einnig vakti athygli mína þegar ég skoðaði þetta myndband var að lagasmiðurinn sýndi kórvinum sínum hinn argasta dónaskap. Þeir höfðu fyrir því að klæða sig upp í sitt fínast púss en hann mætir eins og hann sé nýkominn úr löndun, á leiðinni á Kaffivagninn.

   Kannski á þetta bara að vera svona.

Athugasemdir

[Marta smarta, 1.10.2009 kl. 10:00]

Já Yngvi.

Þetta ku segja okkur að maðurinn er listamaður, svipaður útgangur var á Megasi þegar hann söng á tónleikum Ragga Bjarna um síðustu helgi. 

Þetta lag er nú heldur ekki að gera neitt fyrir mig, óttalegt væl.