11 sept.

Ég ætlaði að blogga eitthvað gáfulegt um 11 september eins og margir aðrir bloggarar, sem eru svo  margir geypilega gáfaðir en ég held ég fái mér frekar ristað brauð með skinku og osti.

Við ráðum

Það er alveg hræðilegt að stjórnendum Icelandair skuli detta í hug að stjórna félaginu eins og að þeir ráði einhverju. Ef að andað er á hálaunastrætóstjóra og háloftaþjónustur verður allt vitlaust eins og fyrri daginn. Ályktun fundarins: "Við skulum sýna þeim hver ræður".

Mikill hiti í flugþjónum

Nú er komið nóg.

Ég tók eftir, mér til mikillar skelfingar, konu sem var að tala í símann á meðan að hún keyrði bíl. Hvar endar þetta eiginlega?

Bónusheilar

Það ar alltaf sami aumingjagangurinn á íslendingum. Alltaf að reyna að svindla og stela, fá eitthvað fyrir ekki neitt og alltaf á kostnað annarra.

Þjófar.

Svindl með strætókort stóreykst

Leti og ómennska Íslendinga

 

Enski sérvitringurinn Sabine Baring-Gould heimsótti Ísland 1862. Hann er ekki sá fyrsti og ekki sá síðasti sem sér Íslendinga eins og þeir eru en ekki eins og þeir halda að þeir séu, þ.e. bestir í heimi. Vitnað er í Gould hér:

"Persónugerð [Íslendinga] er með þeim hætti að þeir eru dauðyflislegir, skaðlega íhaldssamir og gríðarlega latir. Þeir hafa sérstakt lag á að vinna verk á eins klaufalegan hátt og mögulegt er. Þegar súrra á kassa, til að mynda, horfir hinn innfæddi á verkið í nokkrar mínútur til að átta sig á hvernig megi binda hann á sem óhagkvæmastan og ólögulegastan hátt, og gefur sér síðan góðan tíma til að vinna verkið einmitt á þann hátt".

Það er eflaust fullt af útlendingum í dag, sem að gætu sagt okkur eitthvað svipað nú en það er bara talað í fjölmiðlum við þá sem bera okkur söguna vel, svo er sjálfsánægjan búin að blinda okkur.

Átak

Nú gengur þetta ekki lengur. Ég er kominn í átak með þyngdina, fór í gær með sundtöskuna niður í bíl og fer bráðum að fara í sund, þegar ég má vera að. Þeir eru farni að gjóa á mig augunum félagarnir uppi í klúbb, segja ekkert en opna stóru hurðina fyrir mig þegar ég kem. En þegar þrennupakkinn frá Góu verður búinn og nokkrir íspinnar í kistunni, þá verður þetta auðveldara, klára snakkið líka með ídýfunni því ekki vil ég að þetta skemmist.Mér sýnist að ég verði kominn á fullt sving um miðjan október ef að allt gengur vel. Þá getur vel verið að ég láti konuna sem að ég bý með vita af átakinu, það er óþarfi að láta sér of mikið í mót strax.

Myndir

Bætti við nokkrum Ameríkumyndum.

Fimleikar

Þeir voru skólafélagar hann sonur minn eldri og Viktor sem er að keppa á HM í fimleikum. Ég er alveg viss um að Kúturinn myndi taka sig vel út á verðlaunapallinum í spandexinu, þar sem að hann væri líklega ef að hann hefði farið að æfa með Viktori á sínum tíma. 

Pirraður

Ég var alveg svakalega pirraður um helgina. Það er liðið hjá enda myndi ég ekki nenna að vera endalaust pirraður eins og kommadindill, þ.e. vinstri grænn eða áhangandi samfylkingarinnar.

Dóttir mín var að byrja í nýrri vinnu, verður innan um fullt af Pappírspésum, ég vona að það gangi vel hjá henni.

Búðir.

Ég var í hinum mánaðarlega búðarúnti með sambýliskonuna. Það er kannski ekki það versta sem maður gæti gert, ég þekki einn sem fer í nýrnavél nokkrum sinnum í mánuði og lætur sig hafa  það.Eins er með mig, ég læt mig hafa það að taka SmáralindarEuroKrónupris rúnt annars lagið.