Bullfrétt

Bazyli Erek hefur verið ráðinn til að sjá um þrif á mótorhjóli mínu. Hann hafði áður umsjón með krómi á sama hjóli og verður Gerik Jacek ráðinn forstöðumaður þar í hans stað.

Nýr framkvæmdastjóri HugarAx

Föstudagsnöldur

 

Hvernig er þetta nú aftur?

 Maður má ekki vera dónalegur við sér eldra fólk. Maður á vera góður við öryrkja og fatlaða. Maður á vera sammála öllum hommum um ágæti þeirra. Maður á ekki að keyra of hratt. Það á að vera góður við hunda og ketti en ekki fiska, þeir eru ekki dýr. Það á að fá "hysteríukast" í takt við almúgann útaf smámunum. Manni á að finnast allt íslenskt vera best í heimi.

Óheppinn er ég að hafa fæðst hér.

Bónusheilar

Ég er eindregið á móti ofsaakstri á mótorhjóli eða einhverju öðru farartæki en í sambandi við þessa frétt og aðrar fréttir þar sem mótorhjól eru til umræðu þá gleymist oftast að bílar komast líka hratt og allir íslensku bónusheilarnir leggjast í múgsefjun reiðinnar gegn mjótorhjólafólki, með eigið flekklaust ágæti að leiðarljósi. Í þessari frétt er talað um fjórtán aðra ökumenn sem gerðu eitthvað af sér í umferðinni.

Bónusheilar.

Reyndi að stinga lögreglu af

Hvert ert þú að fara góði minn?

Ég var á leiðinni austur fyrir fjall rétt fyrir klukkan sautján í dag, rétt kominn í Árbæinn þegar ég varð að snúa við. Var að hlusta á rás tvö á og útvarpsmaður þar sagði: Farið ekki langt.

 Ég veit að það er bara afburða gáfað fólk, sem vinnur í útvarpinu,svo ég hlýddi, sneri við og fer bara seinna austur.

Öskubakkar!

Skyldi ekki vera hægt að fá einhvers staðar ódýra öskubakka?

Blogg

Ég vil taka fram að ég er ekki mikilvirkur bloggari. Sjá hér

 

Upptaka.

Líklega hafa eigendur hjólanna minnstar áhyggjur af því hvað verður um skemmd  hjól sín eins og staðan er í dag. En ekki er verra hjá sýsla að vekja athygli á því hvað hann er skeleggur sem embættismaður, þar sem enginn hefur hringt  í hann lengi útaf Rolling Stones.

Vill að mótorhjólin verði gerð upptæk

Amm.

Gúmoren.

Tveir mánuðir eða það er skemmtilegra að segja 8 vikur. Hef ekki reykt í 8 vikur. Þetta gengur fínt en verra er ef að tæpt kíló bætist við á viku,ef að svo heldur áfram, verð ég orðinn hundrað og fimm kíló um áramót og get þá rúllað inn í nýtt ár. En það er víst betra en að reykja.

Annars er ég dálítið "dán" útaf Paris vinkonu minni og hef ekki verið í stuði til að blogga uppá síðkastið og er ekki enn.

Fasismi!!!!

 

Gúmoren.

Fyrsti júní 2007. Enn ein "rós" í hnappagat fasista á Íslandi, reykingar bannaðar á opinberum stöðum. Ég sárvorkenni börnunum mínum og reyndar annarra líka, sem eiga framtíðina fyrir sér,að eiga eftir að lifa í  fimmtíu til áttatíu ár í fasisma, feministabulli og meðal "púritana" sem að engu eira.

Stjórn

 

Gúmoren.

Jæja, smá pása eftir að fjöllin fyrir vestan skildu mann eftir andlausan. Ég hef verið að velta fyrir mér þessari stjórnarmyndun eins og aðrir. Hef sett hönd undir kinn og hugsað afskaplega spekingslega um þessi mál og hvað ég geti lagt til málanna. Sit að morgni í vinnunni og sé sjálfan mig út undan mér í spegli, prófa nokkrar" pósur" til að líta gáfulega út . Ég velti öllum þessum möguleikum fyrir mér, hrókera í ráðuneytum og legg þetta niður fyrir mér og er að spá í hvort ég geti bloggað sem hinir gáfuðu á blogginu og og og ... úff, ég er orðinn sveittur af speki.

Skyldi vera snitsel í kvöldmatinn?