Þetta er bara svona.

 

Það hafa ekki margir óskað eftir því að verða bloggvinir mínir. Hef ég ekki marga eignast hingað til og einum bláedrú stjórnmálamanni eyddi ég af listanum eftir að hafa séð að hann var bara að safna bloggvinum fyrir kosningar. Það er hver og einn ráðandi um hver er hans bloggvinur og hver ekki. Sjálfur hef ég ekki tranað mér fram nema á einum stað sem sjá má. Ég geri kröfur til þeirra sem ég set inn sem bloggvini eins og t.d.: ég vil ekki púrítana og femínista, kvenrembur og fasista, karlrembur eru í lagi, kommúnistum þarf ég að velja úr, því margir af þeim eru skemmtilegir þó að þeir hafi heimskulegar skoðanir. Ekki vil ég þá sem lesa "séð og heyrt" sem æðsta orð og ekki vil ég þá sem leggjast lægst, þ.e. eru bloggvinir á "hringlhausabloggi" Ellýjar.

  En ég þarf víst ekki að hafa miklar áhyggjur af mörgum bloggvinum, það eru ekki það margir sem villast hingað inn og vilja þaðan í frá vera "memm".