Sund.

Nú er maður allur að koma til. Fór í sund í morgun,ekki bara í pottinn, svona til að liðka mig aðeins. Það er dálítið skrýtið að reyna að synda með hálfónýtri annarri hendi og aumri hinni,en það hafðist án þess að ég synti í hringi. Ég stóð mig bara vel, fór hundrað metrana á sjö mínútum þrjátíu og sjö. Var ég þó nokkuð á undan gömlum kalli en kannski er það ekki að marka því hann mátti ekki fara með göngugrindina ofan í. Það má geta þess að Ólympíulágmarkið í 100 m. bringu er rétt um mínúta, svo ég er alveg að ná þessu.

Athugasemdir

[Helga Dögg, 2.5.2008 kl. 14:39]

Þarftu ekki bara kút og kork?

[Helga Guðrún Eiríksdóttir, 2.5.2008 kl. 16:05]

Syndaselurinn þarf hvorki kút né kork.

[Yngvi Högnason, 2.5.2008 kl. 16:47]

Alveg rétt, ég er syndur sem selur.

[Eiki KR (IP-tala skráð) 4.5.2008 kl. 22:19]

Ef sund er gott fyrir handleggi og fætur, af hverju eru fiskar með hvorugt? Má maður spegúlera!!