Hjálpum þeim.

Elsku kallinn, hafðu samband ef að þröngt verður í búi hjá þér. Það er hægt að verða þér innan handar með aðföng. Krepputími er reyndar ekki besti tíminn til að segja upp starfi sínu.

Forstjóri Lífeyrissjóðs verzlunarmanna segir upp störfum

Að opna (nýjan) veitingastað.

Það hafa verið opnaðir veitingastaðir síðan ég man eftir mér og flestum þeirra verið lokað líka. Það væri tilbreyting ef að einhver opnaði gamlan veitingastað. Best væri reyndar að fá einn dag í fjölmiðlum lausan við bull.

Margir hafa hug á því að opna nýja veitingastaði

Krókódílatár.

Hann er örugglega saklaus,það hefur einhver laumað þessu á drenginn. Svona engilásjóna hlýtur að vera óspillt.
En í alvöru, þá græt ég krókódílatárum út af þessu máli.

Handtaka Íslendings vekur athygli

Nú er lag Birgitta.

Var Birgitta Jónsdóttir ekki að gagnrýna framlög til stjórnmálaflokka á fundi fyrir kosningar? Að ekki væri rétt að flokkarnir fengju 400 milljónir af skattpeningum á hverju ári? Nú er lag.
  

Peningarnir koma hreyfingunni vel

Flutningabíll ekur í veg fyrir mótorhjól.

Fyrirsögnin:"Mótorhjól rekst á tengivagn" er ekki rétt. Í þessu tilviki voru fimm mótorhjól að koma að austan og fara innri hring í hringtorgið. Var flutningabíllinn þá í ytri hring,líklega á leið suður.Tvö hjól fara út úr hringtorginu en það þriðja lendir á milli bíls og gámavagns sem ekki hafði stoppað þó í órétti væri. Eftir á var haft eftir bílstjóranum að hann hefði séð öll hjólin.En samt hélt hann áfram þó aðeins tvö væru komin framhjá honum. Þótti vitnum sem ökumaður bílsins  hefði haldið áfram í krafti stærðar og tillitsleysis. Hraði mótorhjólsins var innan við 30 km. á kl.Ökumaður mótorhjólsins er að sögn ekki mikið meiddur.

Mótorhjól rakst á tengivagn

Minnimáttar?

Skyldi vera hægt að fá mat þarna líka?
   Á aldrei að linna þessari glýju fólks þegar eitthvað íslenskt er á boðstólum annars staðar en hér? Er ritað í erlenda miðla að enskur klósettpappír sé seldur á Íslandi? Eða súrar gúrkur frá Póllandi? Ég get ekki séð það merkilegt þó takist að pranga nokkrum skyrdollum til útlanda. Það verður kannski aldrei sem fólk hér áttar sig á því að íslendingar eru ekkert sérstakir.

Íslenskt skyr í boði hjá heimsfrægu veitingahúsi

Kakkalakkar?

Hefði ekki verið hreinlegast að kveikja í kofunum? Þá hefðu tvífættu kakkalakkarnir verið þeim margfættu fljótari út og hverfishreinsun orðið.Fyrir utan þá æfingu sem slökkviliðið hefði fengið,það var þegar á staðnum.

Sextán handteknir

Af Mýrunum?

Í gær var skrifað eitthvað af þessum dreng og sagt að hann væri íslendingur.Fletti ég því upp í íslendingabók og mikið rétt,nafn hans er þar.Fór þá um mig fiðringur mikill,þjóðarstoltið bar mig næstum ofurliði,syngja með Paul og Ringó. Íslendingur. Lengra verður vart komist.
En svo gekk það ekki eftir og ég með kökk í hálsi. 

Seth söng ekki undir hjá McCartney

Þjóðaratkvæðagreiðsla?

 

   Ég keyri í vinnuna á morgnana og er alltaf jafn hissa á því hvað við erum vanþroska blessaðir íslendingarnir í umferðinni sem og á öðrum sviðum.
   Í bankanum í dag voru fimmtán á undan mér svo ég settist niður með númerið mitt og leit í kringum mig. Uppi á vegg voru tveir flatskjáir sem sýndu hvern verið var að afgreiða og skilti hjá hverjum gjaldkera þar að auki er sýndu númer í afgreiðslu. Samt þurftu gjaldkerar að gala næstum því í hvert sinn yfir sinnulausa,sauðslega viðskiptavini um að nú væri röðin komin að þeim.
   Stundum hlusta ég á útvarp Sögu og þar er hver mannvitsbrekkan á eftir annarri í símanum,svo til daglega, þusandi speki dagsins af innileik þess er heldur að við hin komumst ekki í gegnum daginn án þess að heyra í viðkomandi. Það hringir reyndar á allar stöðvar,fólk sem hefur ekki rænu á að slökkva á útvarpinu rétt á meðan og hvín þá og veinar í öllu,þó aðallega í hausnum á þeim er hringdi.Kannski hefur þetta fólk aldrei heyrt hvernig símatími í útvarpi fer fram.
   Og svo kíki ég á bloggið eða í blöðin þar sem margir skrifa.Sumir eru í lagi og aðrir ekki en ég get aldrei tekið fólk alvarlega sem kennir sig við mömmu sína. Það finnst mér afskaplega kjánalegt.
    En af hverju að skrifa núna um sauðs-og kjánahátt minn og minna samlanda. Það er vegna þess að oft er verið að tala um þjóðaratkvæðagreiðslu um hin og þessi mál. Við kjósum til þings,fólk sem við viljum hafa þar til að fjalla um og taka ákvarðanir varðandi hin og þessi mál. Ég treysti ekki sauðslegum og ólesnum almenningi til þess. Máski seinna þegar við verðum orðin gáfuð.

Verklag til góðs?

 

Tólf dagar. Er nokkur þörf á bloggnöldri oftar? Ekki veit ég neitt um það enda fáir sem villast hér inn og segja þar um.

Ég hef stundum  skrifað um ræktina og það sem þar gerist og er eitthvað á leiðinni þaðan um gyðjur og skemmtilegheit. En í dag var ég á brettinu og gekk þar sprækur sem ungkarl. Er ég var kominn í gang,leit ég í kringum mig og sá enga sérstaka í grennd. En á næsta bretti var lítill,sköllóttur,feitur kall. Verð ég alltaf lukkulegur þegar ég sé svona skallaerni sem eru minni en ég.Ég hef séð þennan kall þarna stundum og held að hann sé á svipuðum aldri og ég. Ótrúlegt.Ekki hef ég veitt honum neina athygli fyrr en núna. Hann lullaði þarna í rólegheitum og lét sem hann væri á labbi meðfram Tjörninni. "Heldurðu að þú sért í vinnunni" hugsaði ég og herti á. "Taktu þessu rólega gamli" hugsaði ég og leit niður til hans "þú ert búinn að vera á erfiðum fundi um helgina".Hann leit ekki við mér,en tók mig á "orðinu" og vafraði af brettinu og að einhverju tæki,settist þar,spyrnti með löppunum út í loftið nokkrum sinnum.Þaðan fór hann að þrekstiga,steig á og af aftur. Að þrekhjóli,horfði á það smá stund og skellti sér svo í nokkrar teygjur. Að þeim loknum þá fór hann aftur á bretti,til að lulla smáspöl í viðbót. Ég skildi þetta ekki alveg,það var eins og allt væri á rúi og stúi hjá kallgreyinu,hann vissi ekkert hvað hann átti að gera næst. En þá mundi ég við hvað kallinn vinnur,þar er vaðið úr einu í annað með litlum árangri,ekki nema von að lítið verði úr verki í ræktinni hjá honum. Ég vona að hann sé með gott fólk í verkinu "2 +2 á Selfoss". Annars lifir maður ekki að sjá þann veg ef notað er svona verklag.