Hjá Agli

Eftir frammistöðu Sóleyjar Tómasdóttur í þætti hjá Agli fyrrum er engin þörf á að fá "femínista" í þann þátt aftur. Sá þáttur á víst að vera málefnalegur og hefur þar af leiðandi ekkert með öfgafullar konur að gera.

Konur sniðganga Silfrið í mótmælaskyni

Bókin hans Guðna

Ég keypti tvær bækur eftir afa minn,sem að dó fyrir þrjátíu og þremur árum, í Kolaportinu um daginn á fimmhundruðkall hvora. Ég hafði beðið um tíma eftir að þær væru til. Önnur þeirra var árituð af höfundi. Ég ætla kaupa bókina hans Guðna í mars n.k. , líka í Kolaportinu á fimmhundruðkall og þá vel ég bara hvort ég vil hafa hana áritaða eða ekki.

Á tali

Ég myndi líka vera í símanum ef að ég væri fastur á "tónleikum" með Björk.

Björk vill fólk en ekki farsíma

Ofleikur

Ég er að passa fyrir konuna mína fyrrverandi og hefur drengurinn verið hjá mér að undanförnu. Það breytist ýmislegt þegar hann er hér og þar á meðal hvað horft er á í sjónvarpinu. Núna var Næturvaktin á Stöð 2 að renna í gegn, mér til ama vegna þess að íslenskt efni er að öllu jöfnu mjög leiðinlegt vegna ofleiks og er þessi Næturvakt þar engin undantekning. Ég hef aldrei skilið íslenska tómheila sem að finnst Jón Gnarr fyndinn og hef ég á tilfinningunni að þeir séu, þegar íslenskt efni er annars vegar daufdumbir. Eða að kröfurnar um að leikið efni séu ekki meiri en þær að bara sé talað á íslensku. Leikhæfileikar virðast ekki skipta neinu máli. Íslenskir leikarar myndu líklega vera á Englandi kallaðir fimmta flokks eða bara nothæfir sem galarar í sirkus.
   Ég skil ekkert í Björgólfi.

Biskupinn laminn?

Hver lamdi séra Karl biskup?

Bloggið

 

Sigurður Þór Guðjónsson sagði um daginn að bloggið væri botnfall mannlífsins. Það má vel vera en bloggið hefur virkað vel hjá mér. Ekki að ég sé að skrifa eitthvað svo merkilegt eða innihaldsríkt heldur hefur bloggið virkað sem þrýstiventill á nöldrið í mér.Virðist mér að svo sé um fleiri sem að blogga. Samstarfskona mín segir að ég sé mikið meðfærilegri  og skapbetri eftir að ég fór að blogga. Sumir virðast mér vera að blogga úr sér nöldrið en finnst ekki nóg að gert og hringja þá í útvarp Sögu og fá útrás þar líka. Það eru ofurnöldrararnir. En þeir sem að koma með athugasemdir á vinablogg sín eru sér kapítuli og er ég enn að skoða þann jákór og er erfitt að sjá hvað honum gengur til, en hjá ölkunum kallast svoleiðis fólk "kóarar". Fólk sem að sér ekkert gagnrýni vert og jarmar sem lamb að móður  í vinadálkana.

Æ Æ Æ

Ég nennti ekki að blogga í gær vegna þess að mér var svo illt í hnénu. En ég sé í dag að það er léleg afsökun. Það er fullt af fólki sem að gengur um með hálfan heila eins og konan í Kína og bloggar það og hrópar húrra  fyrir hálfvitaskap fólks sem á að vera vinna en bullar bara af því að það er með hálfan heila eða þaðan af minni. Ég hef ekki vottorð um fulla stærð á heila í mér en það er nokkuð líklegt að hann sé heill því að ég er ekki vinstri grænn eða annars konar kommi.
  Ég er bara orðinn nokkuð góður í hnénu.

Mannvonska

Það er alveg hræðilegt að mega ekki eiga snák og er eflaust ekkert nema mannvonska hjá heilbrigðisyfirvöldum að leyfa þetta ekki. Þetta hefur örugglega ekkert að gera með salmonellu og þ.h. , bara mannvonska.

Íhugar að flytja til Danmerkur vegna banns við snáknum á Íslandi

Finnur

 

Ég var að horfa á þátt sem Sigmundur Ernir andstutti sér um. Mér finnst hann alltaf kjánalegur í sínum alvarleika og hann talar alltaf eins og hann sé að segja frá Ragnarökum. En þarna var hann að tala við Finn Ingólfsson. Mér þótti Finnur afar fræðandi og sagði svo við sambýliskonuna: Mikið held ég að þetta sé góður maður.

Jónas hvað?

  Þetta klikkar ekki, alltaf ofgert og ofleikið á Íslandi. 200 ár síðan Jónas fæddist og hvað með það? Fann hann upp íslenskuna? Er þörf á að núlifandi forsetar tjái sig, fleðulega að vana, um Jónas? Afhverju er annar hver íslendingur spurður um Jónas? Hvað þarf ég að drekka marga lítra af mjólk til þess að Mjólkursamsalan geti borgað Jónasarvefinn? 
  Ég er orðinn hundleiður á þessum ofleik.