Forgefins forréttindi.

Þetta fólk hefði átt að fá Sigurð A.Magnússon og Egil Helgason til að segja frá Grikklandsdvöl sinni og þeim mannraunum sem þeir hafa kynnst þar. Sterkur leikur.
   En að öðru,er það rasismi hjá mér að finnast Birgitta Jónsdóttir og hennar nótar lélegur pappír?

Mótmæla brottvísun flóttamanna

Til er ég.

Hún er óheppin blessuð konan að vera ekki í Kópavogi því að ég er á svipuðum aldri, þroskaður, ekki vöðvabúnt en allt að því. Hún myndi gráta af þakklæti sem aðrar er eyða nótt með mér.

Stone vill þroskaða menn

Á maðurinn ekki spariföt?

Það var verið að safna peningum í Sjónvarpinu fyrir helgi. Gekk það vel að mér skilst og komu þar margir fram til styrktar málefninu.Ekki les ég allt blogg hér á Mogganum en rakst á þetta hjá Þráhyggju Hönnu. Þar er tónlistarmaður tekinn fyrir og mærður fyrir lag og texta, öðrum fremur sem komu þarna fram. Lagið, texti og flutningur var þarna snoturt eins og Magnúsar er von og vísa. En það sem vakti athygli mína voru athugasemdir við færsluna. Þar umlaði hver grátkellingin af annarri með grátbólgna vanga yfir þessari “snilli”. Lagið var þokkalegt og textinn dæmigerður fyrir þá sem eru alltaf að bjarga heiminum. Sem sagt ekkert sérstakt. Einnig vakti athygli mína þegar ég skoðaði þetta myndband var að lagasmiðurinn sýndi kórvinum sínum hinn argasta dónaskap. Þeir höfðu fyrir því að klæða sig upp í sitt fínast púss en hann mætir eins og hann sé nýkominn úr löndun, á leiðinni á Kaffivagninn.

   Kannski á þetta bara að vera svona.

Leikflétta.

Það er stórleikur og afleikur í sömu vikunni hjá MP.En 1,4 milljarðar duga í nokkur ár fyrir launum Þorgeirs. En hættur er maður að hugsa sér til hreyfings í bankaviðskiptum,ég þarf ekki siðlausan mann til að skoða einkabankann minn..

Fjárfestir fyrir 1.400 milljónir

Vertu úti.

Þetta eru meiri upplýsingar en ég kæri mig um. Getum við ekki haft þennan dreng umtalslausan í Danmörku?

Ólafur Elíasson safnar fé fyrir íraska flóttamenn

Kreppuhjal.

Ekki hef ég komið með margar né miklar útlistanir um aðdraganda hrunsins eða eftirmála þess. Það hafa margir mér fremri útskýrt þau mál og komið með jafnmargar lausnir og er allt þetta lausnafólk  að jafnaði steinhissa á að ekki séu þeirra lausnir notaðar. Ég hef verið að fylgjast með því sem fólk segir og skrifar og hef ekki séð að einn standi öðrum framar í þeim efnum. En nýlega rakst ég á myndband á vefnum þar sem farið er yfir þessi mál af festu og viti, sem ég hef ekki séð né heyrt hingað til. Hvorki frá viðtalsglöðum álitsgjöfum, alvitrum bloggurum eða fáorða fésbókurum. Þarna er farið yfir allt og þætti mér ekki vitlaust hjá Kastljósi að fá þessa stúlku til skrafs því öllu gáfulegra tal um kreppuna hér hef ég ekki séð.

 

Lágkúran fm 91,9.

Ég ætla ekki að nöldra mikið um þetta en ef einhver heldur að Einar Bárðarson sé með góðverk í huga með þessa útvarpsstöð þá er það misskilningur. Líka er það misskilningur að halda að þessir sem til eru nefndir séu eitthvað sem hlustandi er á. Venjulegt fólk myndi fagna stöð þar sem tónlist er í fyrirrúmi en þarna eiga að vera smiðir,lagermenn og horbassinn, sem heldur að hann hafi fundið upp grínið, að vera í aðalhlutverki ásamt rindlinum að vestan. Og á þetta að vera einskonar óður til fortíðar,fortíðar sem fæstir af þessum guttum þekktu eða heyrðu til,sumir vegna þess að þeir litu niður til útvarps Kanans, þess sem hann gerði og þóttust betri sjálfir. Nei, ég ætla ekki að nöldra neitt um þetta en legg til að þessi stöð verði kölluð Lágkúran.
   Lágkúran- fm 91,9, getur eflaust hljómað vel í einhverju lágkúrustefinu sem verður baunað yfir hlustendur á tíu mínútna fresti ef að líkum lætur.

Gulli Helga gengur Kananum á hönd

Í þverpokum?

Þegar ég les fréttir á netinu verð ég stundum hissa og í annan stað þá verð ég ekki hissa en man í leiðinni eftir einhverju sem ég las einhvers staðar en man ekki hvar. Svo er einnig nú og kom í huga mér setningin um hjónin sem reiddu ekki vitið í þverpokum.

Vilja Þráin af þingi

Úr Kardimommubæ?

Hvar er færslan  mín?
Hvar eru skrifin mín?
Hvar er fölskvalausa athugasemda kerfið mitt?
Hvar er nöldrið mitt?
Hvar er þetta og hitt?
Hvar er móðgunin og rækallinn og þvaðrið mitt?
Ég er viss um að það var hér allt í gær.

Pakk!

Ég hef sagt það oftar en einu sinni, þetta eru fífl. Þetta er ekki annað en skemmdarfýsn og bjánagangur. Og engum málstað til framgangs fremur en annar fíflagangur. Maður leiður yfir ástandinu í þjóðfélaginu og ekki er til hjálpar að fá fréttir af innbrotum og svona glæpaverkum. Því ekki er þetta annað en glæpaverk. Er ekki hægt að fá fíflasæringarmann á þetta pakk?

Skrifuðu illvirki á húsið